قعدت افكر إزاي ابدا المدونة بتاعتي ؟ و اية المواضيع اللي هكتبها هنا ؟ و الأهم إحنا محتاجين اية ؟ محتاجين تنظير سياسة و تقليل من فصيل سياسي امام فصيل سياسي تاني ولا محتاجين حاجة إيجابية حاجة تكون شبة الثورة في نُبل اهدافها و طموحتها . و كان القرار اني هكتب عن ناس في مجتمعنا إيجابيين بداو بنفسهم و غيرو المجتمع المحيط بيهم ، ناس ناجحين في الحياة العملية لكن ابدا منسيوش الناس اللي حوليهم و خدمو و بيخدمو بلادهم عن حاجات إيجابية في بلدنا ممكن نكون في وسط الزحمة السلبيات مش شيفنها! ومن هنا جت فكرة اهل الخانكة ..اهل الخانكة مش اللي عندهم امراض نفسهم اهل الخانكة هم كل واحد قرر يغير نفسة و اللي حواليه و يبعد عن القطيع و نجح و بينجح. الخانكة مش مكان وحش الخانكة مكان رائع ، تقدر تقول المدينة الفاضلة اللي محدش بيضايق حد ولا حد بيغصب علي حد ولا حد بيتكلم عن حد بسؤ .
في البداية تطلق كلمة مولانا في القاموس العربي علي صاحب( العلم او المعرفة) كما انها تعني (ناصرنا او حبيبنا).
وهنا انا حابب اتكلم عن واحد اسمة مهندس اسامة الجوادي يمكن كتير ميعروفش من هو اسامة الجوادي ؟ اسامة الجوادي هو مهندس مصري يعمل في إحدي شركات البترول قرر انة ميكونش زي اي حد شغال في مجالة وعددهم 12,613 شخص (حسب إحصائيات موقعlinkedin) ويخدم فئة عمرية مهمة جدا فئة الطلاب و الخريجين فأسس فريق اسمة (معاً) لتأهيل الشباب لسوق العمل و كان معاه مجموعة من الشباب المتحمسين للفكرة فكانت الإنطلاقة من في ساقية عبد المنعم الصاوي في ربيع 2007 و كانت دي بداية اول دفعة و استمرت الدفعات وحدة وراها التانية حتي الأن.
معاً مش بس تأهيل شباب لسوق العمل لاء كمان بيربطو الطلبة و حديثى التخرج بقطاعات الاعمال و قطاعات العمل المدنى من خلال مجموعة محاضرات بالمجان ولا مكان بيتجمع فية ناس من اكتر من 25 محافظة في مصر معا كمان مكان لرصد التجارب الناجحة و للآصحاب الخبرات في مجالات كتير و كمان مكان بيتم فية الناس نقل افكارهم و معتقادتهم و خبراتهم الحياتية و مبيقتصرش تواجدهم في المحاضرات بس لاء دول كمان بينشرو اي حدث(Event)بيحصل في مصر علي جروب علي موقع (Yahoo) و بيرحوه علشان يتعرفوا علي ناس اكتر و ناجحين اكتر و يكتسبو خبرات أكتر و كتير منهم قدمو في مسابقات علي مستوي مصر و مستوي العالم و كسبو و كتير منهم شغال في شركات عالمية و كتير من خريحين الدفع السابقة بيجي يساعد الدفع الجديدة و بيقدم ليهم يد المساعدة مش بس للآنة كان في يوم من الأيام زيهم لاء و كمان علشان كل واحد منهم اخد عهد قدام المهندس اسامة الجوادي هو و كل دفعتة انهم لازم يعلمو الناس اللي اتعلموة علي الاقل يعلمو 10 .
المحاضرات في معا بتكون متنوعة و مفيدة جدا لكل شخص و بيكون في تركيز علي :
1. كتابة السيرة الذاتية بشكل إحترافي
2. مهارات المقابلة الشخصية
3. كيفية إقتناص وظيفة أو تدريب
4. الطرق المختلفة للبحث المتقدم في الإنترنت
الإختبارات المؤهلة للحصول على تدريب أو منحة أو وظيفة مثل (IQ,PST,GMAT)
وهي دي فكرة معا و هو دة فكر المهندس اسامة الجوادي علشان ينفع مجتمعة و المحيط اللي حولية.
علشان كدة انا بفخر اني ابن من ابناء معاً .
لمعرفة أكثر عن معا يرجي متابعة موقعهم http://www.maaan.net/home
حلوه الفكره جدا جدا
ردحذفوهتعمل من خلالها سلسله كتابات رائعه ده اعتقادى
ربنا يوفقك يارب يا أحمد
ربنا يكرمك شكراً ياسارة
ردحذفبداية جامده وعجبنى اوى اختيار الالفاظ السهله وعدم التكلف الى الامام دائما يا ابوحميد
ردحذفربنا يخليك كلامك مشجع جدا :)
حذفالله ايه الجمال ده !!! ماذا عساي أن اقول بجد ربنا يكرمك الكلام عجبني جدا يابسيوني والمدونة جميلة انطلق واسمها اهالي الخانكة جميل جدا ... مبرووووووووك على المدونة ومبروووووووك على موضوعها الرائع
ردحذفماذا عسايا ان اقول بعد كل الكلام دة :) اشكرك بشدة ياسارة
حذف